حاسه اني بحلم او اني مش في وعيي
حاسه اني خايفه ومرعوبه من جوه قلبي
...
حاسه اني غريبه ولوحدي عشان بعيد عن اهلي
يمكن انا حالي افضل وعندي امان اكتر
بس وجودي وسطيهم هو كل الامان
بجد كلمه غربه حسيت معناها دلوقتي
رغم كل الخراب ...رغم كل الدمار
انا عارفه يا اهل بلدي ان البلطجي مش مصري
المصري هو اخويا وهو كمان ابويا
اللي وقت الشده بيحمي كل اهله
كان نفسي اكون وسطيكم واكيد انا حسه بيكم
بس يا امي كان نفسي اكون جنبك واطمن انك نايمه في امان
مفيش في ايدي حاجه غير اني اقوم واصلي
وادعي من كل قلبي ...يارب احمي بلدي
يارب احمي اهلي .. واحمي كل مصري..
واحمي كل مسلم في هم او في كرب
انا اسفه ليكوا بجد ....بس جوايا حس
انكوا كنتم معايا دايما في كل مشاعري
كنت بشارككم بفرحي .. وقلت اشارككم بهمي
ما هو احنا برضوه اخوه واحبه في الله
جيت افكركم نصلي زي كل يوم
لقتني بقول اللي جوايا من غير اي تفكير
واسالكم الدعاء لكل مصري ومسلم
حاسس بخوف او ظلم
اخواني واخواتي في الله
قيام الليل اكرمكم الله
جزاكم ربي الفردوس الاعلي
اسمحولي ان تكون كل الصور مع اي موضوع هذه الفتره هي صوره بلدي الغاليه مصر
بحبك اوي يا بلدي يا (مصر) ويارب تفضلي دايما بلد الامن والامان